MCHANGO WA SERIKALI KATIKA KUWASAIDIA WATOTO YATIMA NCHINI

Serikali imeombwa kuanzisha utaratibu wa kujenga vituo vya kulelea watoto yatima nchini ili kuwasaidia watoto hao kuondokana matatizo mbalimbali yanayowakabili baada ya kufiwa na wazazi wao.

Hayo yamesemwa mwenyekiti wa kituo cha kulelea watoto yatima cha omuaisha Dr Ramathani mvungi kilichopo eneo la Simba jijini Arusha.

Dr mvungi amesema kuwa serikali imekuwa hailipi kipaumbele suala la kulea watoto yatima jambo linalosababisa watoto hao kuishi katika maisha ya dhiki na kujiingiza katika matendo maovu  kama vile wizi,kuuza miili yao pamoja na utumiaji wa madawa ya kulevya.

Hata hivyo mwenyekiti  huyo ameongeza kwa kusema kuwa anaiomba serikali pamoja na mashirika binafsi iachane na utaratibu wa kutoa zawadi kwa watoto hao katika sikukuu pekee,bali ziwe  zinatolewa siku zote kwani mahitaji ni kila siku.

Naye katibu wa kituo hicho Bw Abas Juma ameipongeza jamii hususani mtu mmoja mmoja kwani wao ndio wamekuwa wakitoa ushirikiano katika kuwasaidia watoto hao.

Kituo hicho kimeanzishwa takribani miaka kumi (10) iliyopita vilevile  kinajihusisha kulea watoto wa kike ambao ndio wamekuwa katika mazingira hatarishi zaidi baada ya kufiwa na wazazi wao.