WANANCHI WA MTAA WA OLOLOVONO WAMEASWA KUZINGATIA SUALA LA USAFI KATIKA MAENEO YAO.

Wananchi kijijini Arusha wameulalamikia uongozi  kuhusu suala zima la usafi hasa kuwepo kwa takataka katika mitaa yao.

Hayo yamesemwa na wananchi wa mtaa wa ololovono kata ya sokoni 1 Bw Macha Molleli na Bi Elizabeth Ngowi wakati wakitoa dukuduku hiyo kwa serikali.

Wamesema mtaa wao una uchafu mwingi na unaweza kusababisha magonjwa ya mlipuko kama vile kipindupindu na homa ya matumbo

.

Pia wananchi hao wameulalamikia uongozi kwa kutoshughulikia suala la usafi ipasavyo ,hasa mzabuni ambaye amepewa majukumu hayo  ya kuchukua na kupeleka takataka katika eneo husika.

Naye mwenyekiti wa mtaa huo Bw Yelome Wambura amekiri kuwepo kwa uchafu katika mtaa wake ambapo amesema moja ya sababu ni wananchi kutojali suala la usafi na kusahau kuwa usafi ni afya.

Pia amelalamikia wananchi kutokuwa na elimu  kuhusu utunzaji wa mazingira ambapo baadhi yao hutupa takataka hasa mifuko ya Rambo katika mitaro ya maji na kupelekea mitaro kuziba.

Vilevile amelalamikia suala zima la utoaji  wa zabuni na kusema zabuni mara nyingi hutolewa  kwa upendeleo na kusababisha mzabuni kufanya kazi kwa matakwa yake yaani  bila kufuata maelekezo husika.

Mwenyekiti huyo ameiasa serikali kutilia mkazo suala la usafi kwani usafi ndio nguzo ya afya bora na kuitaka serikali kusambaza vizimba kila mtaa kwa ajili ya kuweka takataka.